花香詞曲

花香 作詞：謝誌豪　作曲：謝誌豪演唱：粱文音 離開彼一晚，會記得故鄉的花香，微微啊天未光，伊就起床來顧花叢。 不曾一句怨嘆搖阮大漢，不甘阮在異鄉乎風雨淋。 離土的花叢，為一個夢，人茫茫海也茫茫。 伊惦惦塊等，阮返來彼工，花蕊漸漸紅，伊惦惦塊等。 看無伊的人，像海上船啊找無帆，行過這多冬，看透人情的冷暖。 故鄉彼條小巷，如今猶原，不同是阮返去伊無塊等。 無人惜花叢，花哪會香，世間阿母攏共款。 伊惦惦塊等，阮返來彼工，花蕊漸漸紅，伊已經遙遠。 誰人塊叫著我，甘是阿母的聲，親像故鄉不時塊叫我。 伊未擱等置彼，不敢來哭出聲，叫阮寶貝心肝，有閒就緊返來看我。 伊惦惦塊等，阮返來彼工，花蕊漸漸紅，伊已經遙遠。 啦…啦…花蕊漸漸紅，伊已經遙遠。

博杯 作詞：武雄　作曲：陳子鴻 窗外清風一直吹　心事欲講抹詳細 有時悶悶想歸瞑　等無月光入來坐 雙親頭鬃漸漸白　情愛誰人會賜配 無講出的彼句話　只有博杯問天地 問世間冷暖怎輪迴　事業前途應該走去叨 希望一切就會凍順適　大大小小平安快樂過 問緣份到底欠外多　為何真意真心　無地找 雖然就慣習孤單一個　並無放棄　有情人來陪 惦惦無聲　頭犁犁　看著紛亂的土地 誠心最後博一杯　望天替咱保庇這個家 誠心最後博一杯　望天替咱保庇這個家

落雨聲 作詞：方文山　作曲：周杰倫　編曲：陳飛午 落雨聲　哪親像一條歌　誰知影　阮越頭嘸敢聽 異鄉的我　一個人起畏寒　寂寞的雨聲　捶阮心肝 ＊人孤單　像斷翅的鳥隻　飛袂行　咁講是阮的命 故鄉的山　永遠攏站置遐　阮的心晟只有講乎山來聽 來到故鄉的海岸　景色猶原攏總無變化 當初離開是為啥　你若問阮阮心肝就疼 你若欲友孝世大嘸免等好額　世間有阿母惜的囝仔尚好命 嘸通等成功欲來接阿母住　阿母啊　已經無置遐

---